அடிப்படை வசதிகள் இல்லாத பள்ளிகளுக்கான காலக்கெடு நேற்றுடன் முடிவு

by kannanfab Mon Apr 01, 2013 5:05 pm

கல்வி பெறும் உரிமைச் சட்டப்படி,
பள்ளிகளில் அடிப்படை வசதிகளை மேற்கொள்வதற்கான காலக்கெடு நேற்றுடன்
முடிவடைந்தது. நாடு முழுவதும் நடைமுறையிலுள்ள கல்வி பெறும் உரிமைச்
சட்டத்தின்படி, அடிப்படை வசதிகள் இல்லாத பள்ளிகளில் அந்த வசதிகளை கட்டாயம்
செய்திருக்க வேண்டும்.

இதன்படி குடிநீர் வசதி, கழிப்பறை வசதி
உள்ளிட்ட உட்கட்டமைப்பு வசதிகளை ஏற்படுத்துவதற்கு நிர்ணயிக்கப்பட்டிருந்த
காலக்கெடு நேற்றுடன் முடிந்தது. இருப்பினும் நாடு முழுவதும்
நூற்றுக்கணக்கான பள்ளிகளில், இந்த அடிப்படை வசதிகள் மேற்கொள்ளப்படவில்லை என
தகவல் வெளியாகியுள்ளது.

சில மாநிலங்கள் காலக்கெடுவை நீட்டிக்க
கோரியும், கால நீட்டிப்பு வழங்க மத்திய அரசு மறுத்துவிட்டது. எனவே,
உட்கட்டமைப்பு வசதிகளை செய்யாத பள்ளிகளுக்கான அனுமதியை ரத்து செய்வது பற்றி
மத்திய அரசு விரைவில் உத்தரவிடும் என எதிர்பார்க்கப்படுகிறது.

குழந்தைகளுக்கு இலவசமாக மற்றும்
கட்டாயம் கல்வி அளிக்க வகை செய்யும் கல்வி பெறும் உரிமைச் சட்டம் 2010 ஆம்
ஆண்டு நடைமுறைக்கு வந்தது. இருப்பினும், நாடு முழுவதும் 80 லட்சத்துக்கும்
அதிகமான குழந்தைகள், பள்ளிப்படிப்பை மேற்கொள்ளவில்லை.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30