தமிழகம் முழுவதும் +2 விடைத்தாள் திருத்தும் பணி நாளை தொடக்கம்

தமிழகம் முழுவதும் ப்ளஸ் டூ விடைத்தாள் திருத்தும் பணிகள் மார்ச் 25-ம்
தேதி முதல் தொடங்க உள்ளதாக கல்வித்துறை அதிகாரிகள்
தெரிவித்துள்ளனர்.திருத்தும் பணிகளுக்காக விடைத்தாள்களில் டம்மி நம்பர்கள்
எழதப்பட்டு அருகிலுள்ள மாவட்டங்களுக்கு அனுப்பி வைக்கப்பட்டுள்ளன.

முதலில் தமிழ் மற்றும் ஆங்கில விடைத்தாள்கள் திருத்தப்பட உள்ளன.முதல்
நாளில் முதன்மை தேர்வாளரும், கூர்ந்து ஆய்வாளரும் விடைத்தாள்களை
திருத்துவர்.நாளை மறுநாள் முதல்,உதவி தேர்வர்கள் திருத்துவர்.இதனை முதன்மை
தேர்வாளரும்,கூர்ந்து ஆய்வாளரும் கண்காணித்து கையெழுத்திடுவர்.

ஏப்ரல் 15-ம் தேதி வரை விடைத்தாள் திருத்தும் பணிகள் நடைபெறும் என
தெரிவிக்கப்பட்டுள்ளது. தமிழகம் மற்றும் புதுச்சேரியில் கடந்த 1-ம் தேதி
தொடங்கிய 12ம் வகுப்புத் தேர்வுகள் நாளை முடிவடைகிறது.