பிரதமர் மன்மோகன் சிங் இன்று ஜெர்மன் பயணம்

பிரதமர் மன்மோகன் சிங் மூன்று நாள் அரசு முறைப் பயணமாக இன்று ஜெர்மன் புறப்பட்டுச் செல்கிறார்.

பிரதமருடன் வெளியுறவு அமைச்சர் சல்மான் குர்ஷித், மத்திய வர்த்தகத் துறை
அமைச்சர் ஆனந்த் சர்மா, புதுப்பிக்கவல்ல எரிசக்தித் துறை அமைச்சர் ஃபரூக்
அப்துல்லா மற்றும் பல்வேறு துறைகளைச் சேர்ந்த அதிகாரிகள் உடன்
செல்கின்றனர்.

நாளை காலை பிரதமர் மன்மோகன் சிங்குக்கு, ஜெர்மன் பிரதமர் ஏஞ்சலா
மெர்க்கெல் முறைப்படி வரவேற்பு அளிக்கிறார். இதையடுத்து, இரு தலைவர்களின்
முன்னிலையில், கல்வி, வர்த்தகம், எரிசக்தி மேம்பாடு, அறிவியல் தொழில்
நுட்பம் ஆகிய துறைகளில் முக்கிய ஒப்பந்தங்கள் கையெழுத்தாகவுள்ளன.

இதைத் தொடர்ந்து நாளை மறுநாள், ஜெர்மன் அதிபர் கோச்சிம் கௌக்கை பிரதமர் மன்மோகன் சிங் சந்தித்துப் பேச உள்ளார்.