மீனவர் மீதான தாக்குதலுக்கு நடவடிக்கை கோரி பிரதமருக்கு முதல்வர் கடிதம்

தமிழக மீனவர்கள் இலங்கை கடற்படையினரால் தொடர்ந்து தாக்கப்படுவதற்கு
நடவடிக்கை எடுக்கக்கோரி தமிழக முதல்வர் ஜெயலலிதா பிரதமர் மன்மோகன்
சிங்கிற்கு கடிதம் எழுதியுள்ளார்.

அதில் தமிழக மீனவர்கள் மீதான தாக்குதல்களை தடுக்க நடவடிக்கை எடுக்க
வேண்டும் என கேட்டுக்கொண்டுள்ளார். நேற்றிரவு நாகை, புதுக்கோட்டை மீனவர்கள்
மீது இலங்கை கடற்படை நடத்திய தாக்குதல்களை சுட்டிக்காட்டிய அவர் மீனவர்கள்
அரிவாள், இரும்புக்கம்பியால் தாக்கப்பட்டது காட்டுமிராண்டித்தனமானது
எனவும் தெரிவித்துள்ளார்.

கடந்த ஒரு மாதத்தில் இலங்கை கடற்படை 4-வது முறையாகத் தாக்கியுள்ளதாக
கூறிய ஜெயலலிதா,புதுக்கோட்டை மீனவர்கள் 8 பேர் இரும்புக்கம்பியால்
தாக்கப்பட்டுள்னர், நாகப்பட்டினம் மீனவர்கள் 6 பேர் அரிவாளால்
தாக்கப்பட்டுள்ளனர் எனவும் கூறியுள்ளார். தாக்குதலில் காயமடைந்த 12 பேரும்
மருத்துவமனையில் அனுமதிக்கப்பட்டுள்ளனர். மேலும் தமிழக மீனவர்கள் மீதான
தாக்குதல்களுக்கு நடவடிக்கை எடுக்கப்படாதது தமக்கு அதிருப்தி அளிப்பதாகவும்
தெரிவித்தார்.