கருணாநிதியுடன் மத்திய அமைச்சர்கள் சந்திப்பு

கருணாநிதியுடன் மத்திய அமைச்சர்கள் சந்திப்பு

















திமுக தலைவர் கருணாநிதியை காங்கிரஸ் மத்திய அமைச்சர்கள் இன்று சந்தித்தனர்.

இலங்கைத் தமிழர் விவகாரத்தில், சாதகமான முடிவை மத்திய அரசு
எடுக்காவிட்டால், ஐக்கிய முற்போக்குக் கூட்டணியில் இருந்து விலகப் போவதாக
திமுக தலைவர் கருணாநிதி எச்சரிக்கை விடுத்திருந்தார். மேலும் இலங்கைக்கு
எதிரான அமெரிக்காவின் தீர்மானத்தில், இந்தியா திருத்தம் கொண்டு வர வேண்டும்
என்றும் அவர் வலியுறுத்தியிருந்தார்.

இந்நிலையில் மத்திய அமைச்சர்களான ப.சிதம்பரம், ஏ.கே.அந்தோணி, குலாம் நபி
ஆசாத் ஆகியோர் திமுக தலைவர் கருணாநிதியை இன்று மாலை சந்தித்தனர். அவரை
சமாதானப்படுத்தும் வகையில் இந்த சந்திப்பு நடைபெற்றது. இந்த சந்திப்பு
இரண்டரை மணி நேரம் வரை நீடித்தது.

இந்த சந்திப்பு குறித்து, மத்திய அமைச்சர் குலாம் நபி ஆசாத் அவர்கள்,
திமுக தலைவர் கருணாநிதி முன்வைக்கும் கோரிக்கைகள் குறித்து பிரதமரிடம்
தெரிவிப்போம் என்றார். அமெரிக்கத் தீர்மானத்தில் இந்தியா திருத்தம்
மேற்கொள்ள திமுக தலைவர் கருணாநிதி வலியுறுத்தியதாகவும் தெரிவித்தார்.
மேலும் அவர் இலங்கைக்கு எதிரான தீர்மானத்தை இந்தியா ஆதரிக்கவும்
கோரியுள்ளதாக தெரிவித்தார். இலங்கை விவகாரத்தில் கூட்டணியில் இருந்து திமுக
விலக நேரிடும் என திமுக தலைவர் கருணாநிதி தெரிவித்ததாக மத்திய அமைச்சர்
குலாம் நபி ஆசாத் தெரிவித்தார்.