டெல்லி டெஸ்ட்: இந்திய அணி அபார வெற்றி

புதுடெல்லி, மார்ச். 24-

இந்தியா-ஆஸ்திரேலியா அணிகள் மோதும் 4-வது மற்றும் கடைசி டெஸ்ட் கிரிக்கெட்
போட்டி டெல்லி பெரோசா கோட்லா மைதானத்தில் நடைபெற்று வருகிறது.
ஆஸ்திரேலியா முதல் இன்னிங்சில் 262 ரன் எடுத்தது. வேகப்பந்து வீரர் சிடில்
அதிகபட்சமாக 51 ரன் எடுத்தார். அஸ்வின் 5 விக்கெட் கைப்பற்றினார்.

பின்னர் முதல் இன்னிங்சை விளையாடிய இந்தியா நேற்றைய 2-வது நாள் ஆட்ட நேர
முடிவில் 8 விக்கெட் இழப்புக்கு 266 ரன் எடுத்து இருந்தது. முரளிவிஜய் 57
ரன்னும், புஜாரா 52 ரன்னும் எடுத்தனர். இன்று (ஞாயிற்றுக்கிழமை) 3-வது நாள்
ஆட்டம் நடந்தது. இந்திய அணி தொடர்ந்து ஆடியது.
மேலும் 6 ரன் எடுப்பதற்குள் எஞ்சிய 2 விக்கெட்டும் விழுந்தது. இந்திய அணி
70.2 ஓவரில் 272 ரன்னில் `ஆல்அவுட்' ஆனது. இது ஆஸ்திரேலியாவின் ஸ்கோரைவிட
10 ரன் கூடுதலாகும்.


எஞ்சிய 2 விக்கெட்டையுமே லயன் தான் கைப்பற்றினார். இஷாந்த் சர்மா (0), ஒஜா
(0) அவரது பந்தில் ஆட்டம் இழந்தார். நாதன் லயன் 94 ரன் கொடுத்து 7
விக்கெட்டுகளை கைப்பற்றினார்.


10 ரன்கள் பின்தங்கிய நிலையில் ஆஸ்திரேலியா 2-வது இன்னிங்சை ஆடியது. தொடக்க
வரிசையில் மாற்றம் இருந்தது. வார்னருடன், மேக்ஸ்வெல் தொடக்க வீரராக களம்
இறங்கினார். ஆனால் இதற்கு எந்த பலனும் இல்லை.
இந்திய சுழற்பந்து வீரர்களின் நேர்த்தியான பந்துவீச்சால் ஆஸ்திரேலியா
திணறியது. 53 ரன் எடுப்பதற்குள் ஆஸ்திரேலியா 5 விக்கெட்டுகளை தொடக்க
வீரர்கள் மேக்ஸ்வெல்,வார்னர் தலா 8 ரன்னிலும், எட்கோவன் 24 ரன்னிலும் ஜடேஜா
பந்தில் ஆட்டம் இழந்தனர்.

ஹியூக்ஸ் 6 ரன்னில் அஸ்வின் பந்திலும் கேப்டன் வாட்சன் 5 ரன்னில் ஒஜா
பந்திலும் ஆட்டம் இழந்தனர்.
ஆனால் 6-வது விக்கெட்டான ஸ்டீவன் சுமித்- வாடே ஜோடி இந்திய சுழற்பந்து
வீச்சை சமாளித்து ஆடியது.
மதிய உணவு இடை வேளையின் போது ஆஸ்திரேலியா 5 விக்கெட் இழப்புக்கு 89 ரன்
எடுத்து இருந்தது. சுமித் 17 ரன்னிலும், வாடே 16 ரன்னிலும் ஆட்டம்
இழக்காமல் இருந்தனர்.


மதிய உணவு இடை வேளைக்கு பிறகு ஆட்டம் தொடங்கிய 2-வது ஓவரில் ஜடேஜா
அடுத்தடுத்து இரண்டு விக்கெட்டை எடுத்தார். முதல் பந்தில் சுமித்தும் (18
ரன்), 2-வது பந்தில் ஜான்சனும் (0) போல்டு ஆனார்கள். அவர் 5 விக்கெட்டை
கைப்பற்றினார். மேத்யூ வாடே (19 ரன்) விக்கெட்டை ஒஜா கைப்பற்றினார்.
அப்போது ஆஸ்திரேலியா 8 விக்கெட்டுக்கு 125 ரன் என்ற நிலையில் இருந்தது.
அதன் பின் வந்த வீரர்கள் சொற்ப ரன்னில் ஆட்டம் இழக்க ஆஸ்திரேலிய அணி
அனைத்து விக்கெட்டுகளையும் இழந்து 164 ரன்னில் சுருண்டது. இந்திய பந்து
வீச்சாளர்கள் தரப்பில் ஜடேஜா 5 விகெட்டும், ஒஜா, அஸ்வின் தலா 2
விக்கெட்டும், இஷாந்த் சர்மா 1 விக்கெட்டும் கைப்பற்றினார்கள்.

பின்னர் 155 ரன்கள் எடுத்தால் வெற்றி என்ற எளிதான இலக்குடன் இந்திய அணி
பேட்டிங் செய்தது. தொடக்க வீரர்களாக முரளி விஜய், புஜாராவும் களம் இறங்கி
நிதானமாக ஆடி ரன் சேர்த்தனர். 4- வது ஓவரில் முரளி விஜய் 11 ரன்னில்
மேக்ஸ்வெல் பந்தில் போல்டு ஆனார்.

அடுத்து வந்த கோலி சிறிது நேரம் தாக்குபிடித்து விளையாடி அணியின் ஸ்கோரை
உயர்த்தினார். இருந்த போதிலும் கோலி 41 ரன் அடித்திருந்த நிலையில் லயன்
பந்து வீச்சில் எல்.பி.டபிள்யூ முறையில் ஆட்டம் இழந்தார். அடுத்ததாக வந்த
சச்சின் 1 ரன்னிலும், ரகானே 1 ரன்னிலும் அடுத்தடுத்து ஆட்டம் இழந்தனர்.

ஒரு பக்கம் விக்கெட்டுகள் விழுந்தாலும் புஜா அரை சதம் அடித்தார். ரகானே
அவுட்டை தொடர்ந்து பின்னர் களம் இறங்கிய கேப்டன் டோனி, புஜாவுடன் ஜோடி
சேர்ந்து விளையாடி அணியை வெற்றி பாதைக்கு இருவரும் அழைத்து சென்றனர். 31.2-
வது ஓவரில் இந்திய அணி 158 ரன்கள் எடுத்து 6 விக்கெட் வித்தியாசத்தில்
அபார வெற்றி பெற்றது. கேப்டன் டோனி 12 ரன்களிலும், புஜாரா 82 ரன்களிலும்,
களத்தில் இருந்தனர்.

இந்த டெல்லி டெஸ்டில் ஜடேஜா இரண்டு இன்னிங்சிலும் விளையாடி 7 விக்கெட்டை
கைப்பற்றி தொடர் நாயகன் விருதை பெற்றார். அஸ்வின் 4 டெஸ்ட் போட்டிகளில்
விளையாடி 29 விக்கெட்டை கைப்பற்றி ஆட்ட நாயகன் விருதை பெற்றார்.

இந்திய அணி 4-வது டெஸ்டில் வெற்றி பெற்றதன் முலம் வரலாற்று சாதனை
படைத்துள்ளது. ஆஸ்திரேலிய அணி 4 போட்டியிலும் தோற்று ஒயிட்வாஷ் ஆனது.
இதற்கு முன் ஆஸ்திரேலிய அணி 1969-70-ல் தென் ஆப்பிரிக்கா அணியிடம்
ஒயிட்வாஷ் ஆனது குறிப்பிடிடத்தக்கது.