சட்டமன்ற எதிர்க்கட்சி அந்தஸ்தை தேமுதிக இழக்கும் அபாயம்...

சென்னை: தமிழக சட்டப்பேரவையிலிருந்து ஓராண்டு இடைநீக்கம் செய்யப்பட்ட 6
தேமுதிக எம்எல்ஏக்கள், வரும் மாநிலங்களவை தேர்தலில் வாக்கு அளிக்க இயலுமா
என்ற சிக்கலான கேள்வி எழுந்துள்ளது. இதுபற்றி இரு வேறு கருத்துகளும்
வெளியாகியுள்ளன. சட்டமன்றத்தில் செயல்படும் தகுதியை மட்டுமே இவர்கள்
இழந்துள்ளதால் மாநிலங்களவை தேர்தலில் வாக்களிப்பதில் தடை இருக்காது என்று
சட்ட நிபுணர்களில் ஒரு பிரிவினர் கூறியுள்ளனர். அதே சமயம் உறுப்பினர் தகுதி
நிறுத்தி வைக்கப்பட்டுள்ளதால் தேர்தலில் வாக்களிக்கும் தகுதி இழக்கப்பட்டு
விட்டதாக மற்றொரு பிரிவினர் கூறி வருகின்றர்.

மிகுந்த சர்ச்சையை
ஏற்படுத்தியிருக்கும் இந்த விவகாரம் பற்றி கருத்து தெரிவித்துள்ள மாநில
தலைமைத் தேர்தல் அதிகாரி பிரவீன் குமார், இதுபற்றி இந்திய தேர்தல் ஆணையம்
உரிய சமயத்தில் முடிவெடுக்கும் என தெரிவித்துள்ளார். இதனிடையே 6
உறுப்பினர்களின் இடைநீக்கம் காரணமாக, தேமுதிக கட்சி சட்டமன்ற எதிர்க்கட்சி
அந்தஸ்தை இழக்குமா என்ற விவாதமும் இழந்துள்ளது. தமிழக சட்டமன்ற விதிகளின்
படி 24 உறுப்பினர்கள் பெற்றுள்ள கட்சிகள் மட்டுமே சட்டமன்றத்தில் அரசியல்
கட்சிகளாக அங்கீகரிக்கப்படும். இவற்றில் அதிகபட்ச உறுப்பினர்கள் கொண்ட
கட்சி சட்டமன்ற எதிர்க்கட்சியாக செயல்படும்.

6 உறுப்பினர்கள்
இடைநீக்கம் செய்யப்பட்டுள்ள நிலையில் தேமுதிக கட்சியின் பலம் 29ல் இருந்து
23ஆக குறைந்துவிட்டது. அத்துடன் 4 உறுப்பினர்கள் இயங்குவதால் தேமுதிக கட்சி
சட்டமன்ற எதிர்க்கட்சி அந்தஸ்தை இழந்துவிடும் என்றும் சட்ட நிபுணர்கள்
கருதுகின்றனர்.