பாஜக ஆட்சி மன்றக் குழுவில் நரேந்திர மோதி

பாரதிய ஜனதாவின் ஆட்சி மன்றக் குழு அறிவிக்கப்பட்டுள்ளது. 6
ஆண்டுகளுக்குப் பின்னர் குஜராத் முதலமைச்சர் நரேந்திர மோதி இந்தக் குழுவில்
சேர்க்கப்பட்டுள்ளார்.

டெல்லியில் இன்று நடைபெற்ற கட்சியின் மூத்த தலைவர்கள் கூட்டத்தில்
இதற்கான முடிவு எடுக்கப்பட்டது. பாரதிய ஜனதா தலைவர் ராஜ்நாத் சிங், மூத்த
தலைவர்களான எல்.கே.அத்வானி, நிதின் கட்கரி உள்ளிட்டோர் ஆலோசனையில்
பங்கேற்றனர்.

அப்போது, கட்சியின் ஆட்சி மன்றக் குழுவில் 6 ஆண்டுகளுக்குப் பிறகு
குஜராத் முதலமைச்சர் நரேந்திர மோடியை சேர்க்க தீர்மானிக்கப்பட்டது. மோதி
தவிர, கட்சியின் முன்னாள் தலைவர் நிதின் கட்கரி, நாடாளுமன்றத்தின் இரு
அவைகளிலும் கட்சியை வழிநடத்தும் சுஷ்மா சுவராஜ், அருண் ஜேட்லி ஆகியோரும்
இந்தக் குழுவில் இடம்பெற்றுள்ளனர்.

வரவிருக்கும் நாடாளுமன்ற தேர்தலை எதிர்கொள்வது குறித்த கட்சியின்
உத்திகளை இக்குழுவே வகுக்க உள்ளது. பாரதிய ஜனதாவில் நரேந்திர மோதியின்
செல்வாக்கு அதிகரித்து வருவதையே இது காட்டுவதாக அரசியல் பார்வையாளர்கள்
கூறுகின்றனர்.

பாரதிய ஜனதாவின் பொதுச்செயலாளர்களில் ஒருவராக வருண் காந்தியும், கட்சியின் துணைத் தலைவராக ஸ்மிருதி இரானியும் அறிவிக்கப்பட்டுள்ளனர்.