தமிழகத்தில் சாலை மேம்பாட்டு திட்டங்கள் அறிவிப்பு

by kannanfab Mon Apr 01, 2013 5:01 pm

தமிழகத்தில் சாலைப் போக்குவரத்தை மேம்படுத்தும் நோக்கில், பல்வேறு திட்டங்களை, தமிழக அரசு அறிவித்துள்ளது.

சட்டப்பேரவையில் விதி எண் 110-ன் கீழ்,
முதலமைச்சர் ஜெயலலிதா இவற்றை அறிவித்தார். இதுதொடர்பாக தமிழக அரசு
வெளியிட்டுள்ள செய்திக் குறிப்பில்: தமிழகத்தில் போக்குவரத்து நெரிசலை
தவிர்க்கவும், சாலைப் போக்குவரத்தை மேம்படுத்தவும், புதிய பாலங்கள்
அமைத்தல், வட்டச் சாலைகள் அமைத்தல், புறவழிச் சாலைகள் அமைத்தல் உட்பட
பல்வேறு சாலைப் பணிகள் நடப்பு ஆண்டில் மேற்கொள்ளப்பட உள்ளதாக
கூறப்பட்டுள்ளது.

அதன்படி, 5 கோடி ரூபாய் மதிப்பீட்டில்,
சென்னை தரமணி முதல் சிறுசேரி வரையும், சிறுசேரி முதல் மாமல்லபுரம்
வரையிலும், மொத்தம் 45 கிலோ மீட்டர் தூரத்திற்கு, உயர்மட்ட சாலை
அமைக்கப்படும் என முதலமைச்சர் கூறியுள்ளார்.

திருநின்றவூர் முதல் பாடி வரையிலான 22
கிலோ மீட்டர் நீளமுள்ள சாலையை 168 கோடி ரூபாய் செலவில் ஆறு வழிச் சாலையாக
அகலப்படுத்த நடவடிக்கைகள் எடுக்கப்படும் எனத் தெரிவித்துள்ள முதலமைச்சர்,
முதற்கட்டமாக 98 கோடி ரூபாய் மதிப்பில் இந்தச் சாலை 4 வழிச்சாலையாக
அகலப்படுத்தி மேம்படுத்தும் பணிகள் மேற்கொள்ளப்படும் எனக் கூறினார்.

இதுமட்டுமல்லாமல், 948 கோடியே 30 லட்சம்
ரூபாய் மதிப்பீட்டில், 11 மாவட்டங்களில், மொத்தம் 18 ரயில்வே மேம்பாலங்கள்
அமைக்கப்படும் என்றும் முதலமைச்சர் அறிவித்துள்ளார். இதற்கான முதற்கட்ட
பணிகளுக்கு 201 கோடியே 88 லட்சம் ரூபாயை தமிழக அரசு ஒதுக்கீடு செய்துள்ளது.
சென்னை அருகே சிறுசேரியில், பொது மற்றும் தனியார் பங்களிப்புடன்,
இரண்டாயிரம் வாகனங்களையும், 50 பேருந்துகளையும் நிறுத்தும் வகையில்,
பல்லடுக்கு வாகன நிறுத்தத்திற்கான கட்டடம் கட்டப்படும் என்று முதலமைச்சர்
கூறியுள்ளார்.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30