பவர் ஸ்டார் சீனிவாசன் அந்தமான் தப்பி ஓட்டம்?

நாமக்கல் : செக் மோசடி வழக்கில் கைது வாரன்ட் பிறப்பிக்கப்பட்டதால் பவர்
ஸ்டார் சீனிவாசன் அந்தமானுக்கு தப்பி ஓடிவிட்டதாகக் கூறப்படுகிறது. சென்னை
அண்ணாநகர் சாந்தி காலனியைச் சேர்ந்தவர் நடிகர் பவர் ஸ்டார் சீனிவாசன். இவர்
திருச்செங்கோட்டைச் சேர்ந்த தொழிலதிபர் பொன்னுசாமியிடம் 2008ம் ஆண்டு ஸீ2
லட்சம் கடன் வாங்கினார். ஒரு ஆண்டுக்கு பின்னர் பணம் இல்லாத செக்கை
கொடுத்து பொன்னுசாமியை மோசடி செய்தார்.

இது தொடர்பாக நாமக்கல்
கோர்ட்டில் பொன்னுசாமியின், மேலாளர் வெங்கடாசலம் வழக்கு தொடர்ந்தார். இந்த
வழக்கு விசாரணையின் போது, பவர் ஸ்டார் சீனிவாசன் ஆஜராகாததால் 2009ம் ஆண்டு
கோர்ட் பிடிவாரன்ட் பிறப்பித்தது. அவர் தொடர்ந்து தலைமறைவாக இருந்து
வந்தார். இந்நிலையில், கடந்த பிப்ரவரி 15ம் தேதி பவர் ஸ்டார் சீனிவாசனுக்கு
ஜாமீனில் வெளி வர முடியாதபடி பிடிவாரன்ட் பிறப்பித்து நாமக்கல் முதலாவது
மாஜிஸ்திரேட் ஜோதி உத்தரவு பிறப்பித்ததுடன், மார்ச் 26ம் தேதிக்குள் அவர்
கோர்ட்டில் ஆஜராகா விட்டால் கண்டுபிடிக்க முடியாத குற்றவாளியாக
கருதப்படுவார் என உத்தரவிட்டார்.

கோர்ட் உத்தரவை தொடர்ந்து
நாமக்கல் போலீசார் சென்னை சென்று சீனிவாசனை தேடிய போது, அவர் அந்தமானுக்கு
சென்று விட்டதாக தகவல் கிடைத்தது. அவரை பிடிக்க 2 தனிப்படை
அமைக்கப்பட்டுள்ளது. இது குறித்து நாமக்கல் போலீசார் கூறுகையில், Ôநடிகர்
பவர் ஸ்டார் மீது காவல் நிலையத்தில் மோசடி வழக்கு பதிவு செய்யப்படவில்லை.
செக் மோசடி தொடர்பாக அவர் மீது பிரைவேட் கேஸ் கோர்ட்டில் பதிவு
செய்துள்ளனர். தற்போது கோர்ட்டில் கடுமையான உத்தரவு பிறப்பித்த பின்னர்,
போலீசாரிடம் வந்துள்ளனர். பவர் ஸ்டார் சீனிவாசனை கைது செய்ய தேவையான
நடவடிக்கை எடுக்கப்பட்டு வருகிறது என்றனர்.