பயணிகள் ரயில் கட்டணம் உயர்வு?

டீசல் விலை உயர்வுக்கேற்ப பயணிகள் ரயில் கட்டணமும் உயர்த்தப்பட வாய்ப்பு
இருப்பதாக ரயில்வே வாரிய தலைவர் வினய் மிட்டல்
தெரிவித்துள்ளார்.டெல்லியில் பேசிய வினய் மிட்டல்,பட்ஜெட்டில் அறிவித்தபடி
சரக்கு ரயில் கட்டண உயர்வு வரும் ஏப்ரல் 1-ம் தேதி முதல் நடைமுறைக்கு வரும்
என்று கூறினார்.

டீசல் விலைக்கு ஏற்ப பயணிகள் ரயில் கட்டணத்தை நிர்ணயிப்பதற்கான ரயில்வே
கட்டண நிர்ணய அமைப்பு உருவாக்கப்பட்டு வருவதாகக் கூறிய அவர், 6 மாத கால
இடைவெளியில் கட்டணங்கள் பரிசீலிக்கப்பட்டு மாற்றியமைக்கப்படும் என்றார்.
அதன்படி,பயணிகள் ரயில் கட்டணம் குறித்து வரும் அக்டோபர் மாதம்
விவாதிக்கப்படும், அப்போதைய ரயில்வே செலவினங்கள் அடிப்படையில் கட்டணம்
மாற்றியமைக்கப்படும் என்றும் வினய் மிட்டல் கூறினார்.