கூகுளில் வேலை…. மாணவர்களின் கனவு

பொறியியல் படிக்கும் மாணவர்களில் பெரும்பாலோனார் தகவல் தொழில்நுட்பத்
துறை வேலைகளையே விரும்புவது தெரியவந்துள்ளது. மேலும் இன்றைய பொறியியல்
மாணவர்கள் பலரும் தாங்கள் வேலை செய்ய ஏற்ற கனவு நிறுவனமாக கூகிளை
கருதுவதும் தெரியவந்துள்ளது.

சர்வதேச அளவில் பிரபலமான ஆய்வு நிறுவனமான நீல்சன் நடத்திய கருத்துக்
கணிப்பில் இத்தகவல்கள் தெரியவந்துள்ளது.தகவல் தொழில்நுட்பத் துறையின்
தாக்கம் வாழ்வின் பல்வேறு அம்சங்களிலும் அதிகரித்து வரும் நிலையில்
இத்துறையின் வளர்ச்சி பிரமாண்டமானதாக இருக்கும் என்று மாணவர்கள்
கருதுவதாகவும் நீல்சன் ஆய்வு தெரிவிக்கிறது.

நாடெங்கும் உள்ள 73 பொறியியல் கல்லூரிகளில் 2 ஆயிரத்து 500 மாணவர்களிடம்
இந்த ஆய்வு நடத்தப்பட்டது. இதில் தகவல் தொழில்நுட்ப சேவைகள் துறையில்
பணியாற்றவே பெரும்பாலான மாணவர்கள் விருப்பம் தெரிவித்துள்ளனர்.அடுத்தபடியாக
மென்பொருள் உருவாக்க பிரிவில் வேலைக்கு செல்ல பலர் விருப்பம்
தெரிவித்துள்ளனர்.

மாணவர்களின் கனவு நிறுவனமாக கூகிள் திகழும் நிலையில் மைக்ரோசாப்ட்,
இன்போசிஸ்ஆகியவை மாணவர்களின் மனம் கவர்ந்த அடுத்த இரு நிறுவனங்களாக உள்ளன.

டிசிஎஸ் ஐபிஎம் பேஸ்புக் ஆகியவை மாணவர்கள் வேலை செய்ய விரும்பும் மற்ற
நிறுவனங்களாக உள்ளது. பொதுத் துறை நிறுவனங்களான பெல், என்டிபிசி ஆகிய
நிறுவனங்களும் இந்த பட்டியலில் முதல் 10 இடங்களுக்குள் இருப்பது
குறிப்பிடத்தக்கது.