திருச்சியில் மாணவர்களைச் சந்தித்து வைகோ ஆறுதல்

காங்கிரஸ் கட்சியினருடன் ஏற்பட்ட மோதலில் காயமடைந்து திருச்சி அரசு
மருத்துவமனையில் அனுமதிக்கப்பட்டுள்ள 3 மாணவர்களை மதிமுக பொதுச் செயலாளர்
வைகோ சந்தித்து ஆறுதல் கூறினார்.

மாணவர்கள் தாக்கப்பட்டதற்கு கண்டனம் தெரிவித்த அவர், தாக்கியவர்கள் மீது
சட்டப்படி நடவடிக்கை எடுக்க வேண்டும் என வலியுறுத்தினார். முன்னதாக
திருச்சி மத்தியப் பேருந்து நிலையம் அருகே காங்கிரஸ் கட்சியின் கூட்டம்
நேற்று நடைபெற்றது.

அப்போது இலங்கைத் தமிழர் விவகாரத்தில் காங்கிரஸ் தலைமையிலான மத்திய அரசு
துரோகம் இழைத்து விட்டதாகக் கூறி அங்கு வைக்கப்பட்டிருந்த பேனர்களை
மாணவர்கள் சேதப்படுத்தினர்.

இதனால் காங்கிரஸ் கட்சியினருக்கும், மாணவர்களுக்கும் இடையே மோதல்
ஏற்பட்டது. இதில் இருதரப்பிலும் சிலருக்கு காயமடைந்தனர். .காயமடைந்த
மாணவர்கள் திருச்சி அரசு மருத்துவமனையில் சேர்க்கப்பட்டனர்.

காங்கிரஸ் கட்சியினருடன் ஏற்பட்ட மோதல் சம்பவம் தொடர்பாக 5 மாணவர்களைக்
கைது செய்துள்ள காவல்துறையினர், அவர்கள் மீது 6 பிரிவுகளின் கீழ் வழக்குப்
பதிவு செய்துள்ளனர்.