இலங்கையில் நடைபெற்றது இனப்படுகொலை என அறிவிக்க தமிழக எம்பிக்கள் கோரிக்கை

இலங்கையில் நடைபெற்றது இனப்படுகொலை என அறிவிக்க தமிழக எம்பிக்கள் கோரிக்கை



பதிவு செய்த நாள் -


மார்ச் 18, 2013 at 6:09:22 PM
















இலங்கை அரசுககு எதிராக, அமெரிக்கா கொண்டு வரும் தீர்மானத்தில்
தமிழர்களுக்கு எதிராக நடைபெற்றது இனப்படுகொலை என்று அறிவிக்க வேண்டும்
என்று மாநிலங்களவையில் தமிழக நாடாளுமன்ற உறுப்பினர்கள் வலியுறுத்தினர்.

இலங்கை அரசு மீது பொருளாதார தடை விதிக்க வேண்டும், சர்வதேச விசாரணை
நடத்த வேண்டும் என்றும் அவர்கள் மத்திய அரசுக்கு கோரிக்கை விடுத்துள்ளனர்.

இது குறித்து அதிமுகவைச் சேர்ந்த மைத்ரேயன், இந்தியா, ஐக்கிய நாடுகள்
சபையில் இலங்கையில் நடைபெற்ற இனப்படுகொலைக்கு கண்டனத்தை தெரிவிப்பதோடு, இது
குறித்து சர்வதேச விசாரணக்கு உத்தரவிட வலியுறுத்த வேண்டும். தமிழர்களுக்கு
நீதி கிடைக்கும் வரையில் இலங்கை மீது பொருளாதாரத்தடை விதிக்க நடவடிக்கைகள்
மேற்கொள்ள வேண்டும் என்றார்.

திருச்சி சிவா, திமுக

திமுகவைச் சேர்ந்த திருச்சி சிவா, இரண்டு முக்கியமான திருத்தங்களை
நாங்கள் வலியுறுத்துகிறோம். இலங்கைத்தமிழர்கள் மீது இலங்கை ஆட்சியர்கள்
நடத்திய தாக்குதலை இனப்படுகொலை என்று அறிவிக்க வேண்டும். இரண்டாவதாக, கால
வரையறைக்குட்பட்ட நியாயமான, சுதந்தரமான சர்வதேச விசாரணை நடத்தப்பட
வேண்டும். அந்த விசாரணையானது போர்க்குற்றங்கள், மனித உரிமைக்கெதிரான
குற்றங்கள், சர்வதேச மனித உரிமை மீறல் மற்றும் இனப்படுகொலை குறித்து
விசாரிக்க வேண்டும் என்றார்.

டி.ராஜா, இந்திய கம்யூனிஸ்ட்

ஜெனிவாவில், ஐ.நா மனித உரிமை ஆணையம் முன்பாக கொண்டு வரப்பட்டுள்ள
தீர்மானத்தில், இனப் படுகொலை, போர் குற்றங்கள், மனித உரிமை மீறல் ஆகியவற்றை
சேர்த்து அதனை வலுப்படுத்த வேண்டும். பாரபட்சமற்ற, சுதந்திரமான சர்வதேச
விசாரணை நடத்த மத்திய அரசு அதில் வலியுறுத்த வேண்டும். தீர்மானத்தின் மீதான
வாக்கெடுப்பு நடைபெறும் போது, தயக்கமின்றி இலங்கைக்கு எதிராக வாக்களிக்க
வேண்டும் என்றார்.

வெங்கையா நாயுடு, பாரதிய ஜனதா

ஐ.நா. மனித உரிமை ஆணையத்தில் கொண்டு வரப்பட்டுள்ள தீர்மானம் தொடர்பாக,
எதிர்க்கட்சி உட்பட அனைத்து அரசியல் கட்சிகளுடனும் மத்திய அரசு
கலந்தாலோசிக்க வேண்டும். இதை ஐக்கிய முற்போக்கு கூட்டணி அரசின் உள்
விவகாரமாக கருதி விடக் கூடாது என்றார்.