ஸ்டெர்லைட் விவகாரம்: தமிழக அரசு கருத்துக்களை ஏற்க உச்சநீதிமன்றம் மறுப்பு

தூத்துக்குடி ஸ்டெர்லைட் விவகாரம் தொடர்பாக கடந்த ஒரு வாரம் நடந்த
முன்னேற்றங்கள் குறித்து தமிழக அரசு உச்சநீதிமன்றத்தில் தெரிவித்தது.

தமிழக மாசுக் கட்டுப்பாட்டு வாரியம் சார்பாக ஆஜரான மூத்த வழக்கறிஞர்
ராஜிவ் தவான்: கடந்த 23ம் தேதியன்று ஸ்டெர்லைட் ஆலையில் இருந்து விஷவாயு
கசிவு ஏற்பட்டதாகவும், 24ம் தேதியன்று ஆலை நிர்வாகத்திற்கு தமிழக
மாசுக்கட்டுப்பாட்டு வாரியத்தின் சார்பில் நோட்டீஸ் வழங்கப்பட்டதும், 25ம்
தேதி ஆலை நிர்வாகம் பதிலளித்தும், 30ம் தேதி தமிழ்நாடு
மாசுக்காட்டுப்பாட்டு வாரியத்தின் சார்பில் ஆலைக்கு சீல் வைக்கப்பட்டது
குறித்தும் எடுத்துரைத்தார்.பின்னர் ஒரு பிரமாண பத்திரத்தை தாக்கல்
செய்யவும் முற்பட்டார்.

இந்த வழக்கில் மனுதாரர் தரப்பில் ஆஜரான வைகோ, தூத்துக்குடியில் நடந்த கடையடைப்பு போராட்டங்கள் குறித்து விளக்கினார்.

பின்னர் இது குறித்து கருத்து தெரிவித்த நீதிபதிகள்: ஸ்டெர்லைட் ஆலை
தொடர்பான தீர்ப்பு நாளை வழங்கப்படும் என்றும். தீர்ப்பு வெளியாகவிருக்கும்
நிலையில் பிரமாண பத்திரத்தை ஏற்க முடியாது என்றும். மேலும் ஸ்டெர்லைட் ஆலை
விவகாரம் மீதான தீர்ப்பை கடந்த 2010ம் ஆண்டு சென்னை உயர்நீதிமன்றம் வழங்கிய
தீர்ப்பின் அடிப்படையில் எழுதியாகிவிட்டதாகவும் தெரிவித்தனர்.