புற்றுநோய் மருந்துக்கு இந்தியாவில் காப்புரிமை கிடையாது: உச்சநீதிமன்றம்

by kannanfab Mon Apr 01, 2013 4:58 pm

புற்றுநோய் மருந்துக்கு இந்தியாவில்
காப்புரிமை கோரி, சுவிட்சர்லாந்து மருந்து நிறுவனம் நோவார்டிஸ் தொடர்ந்த
வழக்கை உச்ச நீதிமன்றம் இன்று தள்ளுபடி செய்தது.

சுவிட்சர்லாந்தை சேர்ந்த மருந்து
நிறுவனமான நோவார்டிஸ், ஜிலிவிக் என்ற பெயரில் புற்றுநோய் மருந்தைத்
தயாரிக்கிறது. அதற்கு இந்தியாவில் காப்புரிமை கேட்டு சென்னையைச் சேர்ந்த
அறிவுசார் சொத்துரிமை வாரியத்திடம் விண்ணப்பித்தது.

காப்புரிமை தரப்பட்டால், புற்றுநோய்
மருந்துக்கான வேதிப் பண்புகள் கொண்ட பொது மருந்துகள் தயாரிப்பில் ஈடுபடும்
உள்நாட்டு நிறுவனங்கள் பாதிக்கப்படும் எனக் கூறி, காப்புரிமை விண்ணப்பம்
நிராகரிக்கப்பட்டது.

அதை எதிர்த்து உச்ச நீதிமன்றத்தில்
நோவார்டிஸ் தொடர்ந்த வழக்கில் காப்புரிமை அளிக்க உத்தரவிடுவதுடன்,
புற்றுநோய் மருந்துக்கு தேவையான வேதிப் பண்பு அடிப்படையிலான பொது
மருந்துகளை இந்திய நிறுவனங்கள் தயாரிக்க தடை விதிக்கவும் கேட்கப்பட்டது.

அந்த வழக்கில் இன்று உச்ச நீதிமன்றம்
தீர்ப்பளித்தது. புற்றுநோய் மருந்துக்கு காப்புரிமை கோரும் நோவார்டிஸ்
நிறுவனத்தின் மனுவை தள்ளுபடி செய்த நீதிபதிகள், உள்நாட்டில் வேதிப் பண்பு
அடிப்படையில் பொது மருந்துகளை தயாரிக்க தடை விதிக்கவும் மறுத்து விட்டனர்.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30