தமிழகம் வரும் இலங்கை நாட்டவருக்கு எச்சரிக்கை

தமிழகத்தில் சுற்றுலா செல்லும் இலங்கை நாட்டவர்கள் எச்சரிக்கையுடன் இருக்கும்படி அந்நாடு அறிவுறுத்தியுள்ளது.

தவிர்க்க முடியாத காரணமாக, இலங்கை நாட்டவர் தமிழகத்திற்கு செல்ல
நேர்ந்தால், முன்கூட்டியே சென்னையில் உள்ள இலங்கை துணைத் தூதரகத்திற்கு
தகவல் தெரிவிக்கும்படி அந்நாட்டு வெளியுறவுத் துறை அறிவுறுத்தியுள்ளது.

தமிழகத்தில் இலங்கை புத்த பிக்குகள் மீது நடத்தப்பட்ட
தாக்குதல்களுக்கும் அந்நாடு கண்டனம் தெரிவித்துள்ளது. இலங்கை வெளியுறவுத்
துறையின் இந்த அறிவிப்பையடுத்து இலங்கையில் இருந்து தமிழகத்திற்கு சுற்றுலா
மற்றும் ஆன்மிக பயணம் மேற்கொள்ள திட்டமிட்டிருந்த இலங்கை நாட்டவர்கள்
தங்கள் பயணத்தை ரத்து செய்துள்ளனர்.

இலங்கைக்கு எதிராக தமிழகத்தில் போராட்டங்கள் வலுத்துள்ள நிலையில், தஞ்சை
மற்றும் சென்னையில் இலங்கை புத்த பிக்குகள் மீது தமிழ் ஆர்வலர்கள்
தாக்குதல் நடத்தினர். இந்த சூழ்நிலையில் இலங்கை வெளியுறவுத் துறை
அமைச்சகம், இந்த எச்சரிக்கையை வெளியிட்டுள்ளது.